14 Dic E stuffole
di Gennaro Grimaldi*
Chisto ‘e nu dolce chiu care’a e napolitane.
A presenza soie è immancabile, dint e feste e Natale.
E’ usanza ca stu dolce, ca se pripare e iuorn primme e Natale se riala a e pariente e all’amice.
Priparate na pasta cu 500gr e farina , 5 ove intere,
2 cucchiare e zucchero, 25 gr e burro, na scorza e miezo limone,
meza scorza e purtuvallo grattato, nu pizzeco e sale e nu cucchiaro e spireto fino. Facite arrupusà a pasta pe quase n’ora, po’ furmate cu essa tanta bastuncine chiuttosto suttile, ca e tagliate a pezzettine da lunghezza e quase nu centimetro.
friggetele a poco a vota int’a l’uoglio abbundante ca è
già vullente, po’ è facite sgucciula’buone ncoppa na carta a sciugà.
Mettite dint’a nu pentolino 250gr e miele, 100gr e zucchero e quacche cucchiaro d’acqua. Facitele vollere fino a ca o cumposto nun addeventa limpido. A chisto punto avasciate o fuoco , aunitace e struffole cu 50gr e canditi tagliati a pezzettine e
misculatele buone in modo ca e struffole se cummogliene e miele. Recavatele dint’a nu piatto largo e tunno inumidito cu l’acqua. Date a stu cumposto a forma e na torta e decuratelo cu e cunfettielle culurate e cu a frutta candita a piacere.
*Dirigente Unitre di S. Maria Capua Vetere